Iekezkèle 2

Iekezkèle 2

nanao amako ty hoe, O ana’ondatio, miongaha am-pandia, le hivolañako. Aa ie nisaontsia’e le nimoak’amako ty Tioke nampitroatse ahy an-tomboke naho tsinanoko i nitsara amakoy. Le hoe re tamako, O ana’ondatio, hiraheko mb’amo ana’Israeleo irehe, mb’amo fifokoa mpiola niola amakoo; songa niola amako iereo naho o roae’eo, pake henanekeo. Aa le hiraheko irehe mb’amo ana-dahy gan-tarehe naho fatra-poo, le hoe ty ho asa’o ama’e, Hoe ty nafe’Iehovà Talè; aa ke hijanjiñe iereo, he tsy hañaoñe, amy t’ie anjomba mpiola; fe ho oni’iareo te tañivo’iareo ao ty mpitoky. Aa ihe ana’ondatio, ko ihembaña’o, ko irevendreveña’o o saontsi’eo fa mpiola iereo, aa ndra te mpiama’o ty fatike naho hisatse, naho kalengo ty imoneña’o, ko hembaña’o o saontsi’eo, vaho ko miriatsandry aolo’e eo, fa akiba miola iereo. Le ho taroñe’o am’iereo o volakoo, ke hijanjiñe he tsy hañaoñe, amy t’ie mpiola. Aa ihe ka, ana’ondatio, tsendreño ty ho volañeko; ko miola irehe manahake ty fiolà’i anjomba mpiolay; sokafo ty falie’o, vaho kamao o azotsokoo. Aa le nenteako te ingo ty fitañe nahitrik’amako, naho tama’e ao ty boke peleke; navela’e amako, ie sinokitse añ’ate’e naho alafe’e, naho nisokireñ’ama’e ao ty fandalañe naho ty fihontohañe, vaho ty hankàñe.

Misoratra ao amin'ny gazety anay

Apetraho ny Église Locale