Fiantoñoñe I 25

Mbore zinara’i Davide naho o mpifehe’i valobohòkeio amo fitoloñañeo o ana’i Asafeo naho i Hemaneo vaho Iedotoneo, ze hitoky ie ama’marovany naho aman-jejobory vaho amam-pikantsañañe: le ty ia’o nitoloñe amy fitoroñañeio: o ana’i Asafeo: i Zakore naho Iosefe naho i Netanià vaho i Asarelà; songa ana’i Asafe ambanem-pità’i Asafe, mpitoky ambanem-pità’i mpanjakay. Iedotone: o ana’Iedotoneo, i Gedalià, i Tserý, Iesaià, i Kasabià naho i Matitià, eneñe, ambanem-pitàn-drae’e Iedotone, mpitoky añoza-marovany, mpañandriañe naho mpandrenge Iehovà. I Hemane, o ana’i Hemaneo: i Bokià, i Matanià, i Oziele, i Seboele naho Ierimote, i Kananià, i Kananý, i Eliatà, i Gidaltý naho i Romamtiezere, Iosbekasà, i Malotý, i Makaziote. Songa ana’i Hemane, mpitoki’i mpanjakay ty amy ze mioza aman’Añahare, hañonjonañe i tsifay. Tinolon’Añahare ana-dahy folo-efats’amby naho anak’ampela telo t’i Hemane. Songa ambanem-pitàn-drae’e hisabo añ’anjomba’Iehovà ao reketse fikantsañañe, jejobory naho marovany, hitoroñe i anjomban’Añaharey, ambanem-pità’i mpanjakay, amy Asafe, amy Iedotone vaho amy Hemane. Ty ia’iareo naho o rahalahi’iareoo naòke hisabo am’Iehovà, ze hene nahimbañe le roanjato-tsi-valompolo-valo’amby. Sindre nanao ki-tsapake ho amy fitoloña’ey, ty kede naho ty bey, ty mpañoke vaho ty mpioke. Ty tsapake valoha’e ho a’i Asafe le Iosefe; ty faharoe, a i Gedalià; ie naho o rahalahi’eo naho o ana-dahi’eo, folo-ro’amby. Ty fahatelo a i Zakore, o rahalahi’e naho ana-dahi’eo, folo-ro’amby. Ty fahefatse a i Itsrý; o ana’dahi’eo naho o rahalahi’eo, folo-ro’amby. Ty fahalime, a i Netanià, o ana-dahi’eo naho o rahalahi’eo, folo-ro’amby. Ty fah’eneñe, a i Bokià, o ana-dahi’eo naho o rahalahi’eo, folo-ro’amby. Ty faha-fito a i Iesarelà, o ana-dahi’eo naho o rahalahi’eo, folo-ro’amby. Ty fahavalo a i Iesaià, o ana-dahi’eo naho o rahalahi’eo, folo-ro’amby. Ty fahasive a i Matanià, o ana-dahi’eo naho o rahalahi’eo, folo-ro’amby. Ty fahafolo a i Simey, o ana-dahi’eo naho o rahalahi’eo, folo-ro’amby. Ty fahafolo-raik’amby, a i Azarele, o ana-dahi’eo naho o rahalahi’eo, folo-ro’amby. Ty fahafolo-ro’amby, a i Kasabià, o ana-dahi’eo naho o rahalahi’eo, folo-ro’amby. Ty fahafolo-telo’amby, a i Sobaele, o ana-dahi’eo naho o rahalahi’eo, folo-ro’amby. Ty fahafolo-efats’amby, a i Matitià, o ana-dahi’eo naho o rahalahi’eo, folo-ro’amby. Ty fahafolo-lim’amby, a i Ieremote, o ana-dahi’eo naho o rahalahi’eo, folo-ro’amby. Ty fahafolo-eneñ’amby, a i Kananià, o ana-dahi’eo naho o rahalahi’eo, folo-ro’amby. Ty fahafolo-fito’amby, a i Iosbekasà; o ana-dahi’eo naho o rahalahi’eo, folo-ro’amby. Ty fahafolo-valo’amby, a i Kananý, o ana-dahi’eo naho o rahalahi’eo, folo-ro’amby. Ty fahafolo-sive’amby, a i Malotý, o ana-dahi’eo naho o rahalahi’eo, folo-ro’amby. Ty faha-roapolo, a i Eliatà, o ana-dahi’eo naho o rahalahi’eo, folo-ro’amby. Ty faha-roapolo-raik’amby, a i Hotire, o ana-dahi’eo naho o rahalahi’eo, folo-ro’amby. Ty faha-roapolo-ro’amby, a i Gidaltý, o ana-dahi’eo naho o rahalahi’eo, folo-ro’amby. Ty faha-roapolo-telo’amby, a i Makaziote, o ana-dahi’eo naho o rahalahi’eo, folo-ro’amby. Ty faha-roapolo-efats’amby, a i Romamtiezere, o ana-dahi’eo naho o rahalahi’eo, folo-ro’amby.

Iscriviti alla nostra newsletter

Installa Église Locale