Sabo 64

Janjiño ty feoko, ry Andrianañahare, ami’ty fitreontreoñako; ambeno ty fiaiko ami’ty fihembaña’e o rafelahio. Aetaho iraho ami’ty fikililia’o tsivokatseo; amo fikitrohan-drati’o lo-tserekeo. O maniom-pameleke hoe fibara vaho mañohatse entam-bola-mafaitse hoe t’ie ana-pale, hañohara’iareo añ’etake ty vañoñe; tifire’iereo amy zao tsy aman-tahotse. Mifañosike t’ie mikitroke, mikinia hampibitrotse fandri-bo añ’etake, ami’ty hoe: Ia ty hahaisake? Tsikarahe’iereo ze tsihavokarañe, Fa nañeneke safiry soa lahatse. Toe miheotse ty añ’ova’ondaty ao, naho ty arofo’e. F’ie hañiririan’Añahare ana-pale aniany avao le ho fere hampitsikapy iareo; sesehe’o famele’iareo avao, songa mibioñe añe ty mahaisake iareo. Le hene hirevendreveñe ondatio, hitalily o fitoloñan’Añahareo vaho hañarahara o tolon-draha’eo. Hifale am’Iehovà o vantañeo, hipalitse ama’e; vaho hene handrenge aze o mahity añ’arofoo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Abonner på nyhetsbrevet vårt

Hold deg oppdatert på nye profiler, arrangementer og plattformnyheter.