Sabo 88

Ry Iehovà, Andrianañaharem- pandrombahañe ahiko, itoreovako handro an-kaleñe añatrefa’o, Ehe te hiatrek’azo ty halaliko; atokilaño mb’amy fikaihakoy ty ravembia’o; Fa losotse ty hasosoram-piaiko, vaho manòto-kibory ty haveloko. Volilieñe amo migodoñe mb’an-davak’ao iraho; hoe ondaty nipitso-pañimba. Mihoriñe amo vilasio iraho, manahake o vinono mitsalalampatse an-kiborio, o tsy tiahi’o kañeo, o naito am-pità’oo. Navotra’o ami’ty loho herakerak’ao an-toe’e mimoromoroñe an-dalek’ao. Napok’amako o fifombo’oo, naho naniloke ahy o kinera’oo. Selà Fa naveve’o lavitse ahy o rañekoo, nampirihie’o ahiko. migoboñe atoan-draho tsy mahafiakatse; Mitike amy hasotriakoy o masokoo. fa nikanjieko boak’andro, ry Iehovà; fa namelarako tañañe. Hanoa’o raha tsitantane hao o loloo? Hitroatse hañandriañ’Azo hao o angatseo? Selà Ho talilieñe an-donak’ao hao ty fiferenaiña’o? an-tsikeokeok’ao hao ty figahiña’o? Hampahafohineñe am-pimoromoroñañe ao hao o halatsà’oo, naho an-tanem-pandikofañe ao hao ty havañona’o? Aa naho izaho, ihe ry Iehovà ty itoreovako; mifanalaka ama’o boak’andro o halalikoo. Ry Iehovà akore te farie’o ty fiaiko? Ino ty añetaha’o laharañ’amako? Nalovilovy ho nikenkan-draho ampara’ty nahajalahy ahiko, fa nivavèko ty hetraketra’o, vaho voretra. Fa nandipotse ahy ty fifombo’o miforoforo; vaho fa nañito ahy ty firevendreveñañe ama’o. Niropak’amako lomoñandro hoe rano, le nanaron-kohok’ahy. Toe nampihankàñe’o amako ty mpikoko naho rañetse; atehenako ty hamoromoroñañe.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Abonneer op onze nieuwsbrief

Blijf op de hoogte van nieuwe profielen, evenementen en platformupdates.