Sabo 11

Amy Iehovà ao ty fipalirako; akore ty ivolaña’areo an-troko ty hoe: Mivoratsaha hoe voroñe mb’am-bohi’o mb’eo; Hehe te mampibitsoke fàle o lo-tserekeo, le fa ginao’iereo an-taly o ana-pale’eo, hahirirì’iereo añ’ieñe ao mb’amo vantañ’arofoo; Naho rotsake o manàntañeo, ino ty lefe’o vañoñeo hanoeñe? Añ’anjomba’e miavake ao t’Iehovà, an-dindìñe ao ty iambesara’Iehovà; mivazoho o fihaino’eo, mitsoke o ana’ondatio o vohomaso’eo. Tsohe’Iehovà o vantañeo, fe heje’ty arofo’e ty lo-tsereke, naho i piaroteñey. Hampifororoaha’e vaen’afo mirekake o tsivokatseo; afo naho ponde vaho tio-mae ty ho anjaram-pitovi’iareo. Amy te vantañe t’Iehovà; kokoa’e ty havañonañe ho isa’o mahitio ty lahara’e.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Abonneer op onze nieuwsbrief

Blijf op de hoogte van nieuwe profielen, evenementen en platformupdates.