Sabo 6

Ry Iehovà, ko endaha’o ami’ty haviñera’o, le ko mandilo ahy an-keloke. Tretrezo, ry Iehovà, fa minike; jangano ry Iehovà fa minevenevetse o taolakoo. Loho mangebahebake ty troko: Fa Ihe ry Iehovà —hombia? Mibaliha, ry Iehovà, Hahao ty fiaiko; rombaho ty amy fiferenaiña’o. Tsy mahatiahy Azo ty an-kavilasy; ia ty hañandriañ’Azo an-tsikeokeok’ao? Mahamàmak’ahy ty fiñeoñeoko; ampigoribagoribañeko haleñe ty kidoriko, ampitranaheko rano maso ty fandreako. Mitike o masokoo ami’ty haemberako; mihamodo ty amo rafelahy iabio. Soike ry hene mpanao ratio; fa nahajanjiñe ty feon-tañiko t’Iehovà. Jinanji’Iehovà ty halaliko; no’Iehovà ty filolofako. Fonga ho salatse naho hangebahebake o rafelahikoo; Ampipolieñe iereo, vaho hiambovoa’ty fimeñarañe.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Sabo 6

Abonneer op onze nieuwsbrief

Église Locale installeren