Iesaià 12

Ty hoe ty hatao’o amy andro zay: Mandrenge Azo iraho, ry Iehovà fa ndra t’ie niviñera’o, nivioñe añe ty fitrotrofiaha’o, mbore nañohòa’o. Toe fandrombahako t’i Andrianañahare; hiantoke iraho le tsy ho hembañe, fa Ià, Iehovà ro haozarako naho saboko ie ro fandrombahañe ahy henaneo. Aa le an-kaehake ty itariha’areo o rano migoangoam-pandrombahañeo. Le ty hoe ty hatao’areo amy andro zay: andriaño t’Iehovà, kanjio i Tahina’ey; ampahoniño o kilakila ondatio o fitoloña’eo, vaho taroño ty haandikera’i tahina’ey, Misaboa am’Iehovà, ty amo raha fanjaka anoe’eo; ehe te hene hahaoniñe izay o an-tane atoio. Mipazapazaha, poñafo ty sabo, ry nte-Tsioneo, amy te jabahinake añivo’areo ao t’i Masi’Israele.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Assinar nossa newsletter

Mantenha-se a par dos novos perfis, eventos e novidades da plataforma.