Sabo 3

Ry Iehovà, Akore ty fitomboa’o mpamorefore ahikoo! Maro ty miongake hiatreatre ahy. Lako ty manao ty hoe ty amako: Tsy ama’e ty fandrombahan’Añahare. Selà Fa Ihe, ry Iehovà, ro kalan-defo mañohoñ’ahy, ty engeko naho ty Mpampiandra ty lohako. Ie koiheko am-peo t’Iehovà, le janjiñe’e amy vohi’e miavakey. Selà Màndre iraho vaho miroro; tsekake amy te mpañimba ahy t’Iehovà. Tsy hembañako i lahiale miarikoboñe hiatreatre ahikoy. Miongaha, ry Iehovà! Rombaho iraho ry Andrianañahareko, fa fonga tinampifi’o ty valañorà’o rafelahikoo; vaho pinekapeka’o ty nife’o lo-tserekeo. Am’Iehovà ty fandrombahañe; naho am’ondati’oo ty fitahia’o. Selà

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Misoratra ao amin'ny gazety anay

Mahafantara hatrany ny mombamomba vaovao, ny hetsika ary ny fanavaozana ny sehatra.