Sabo 16

Tambozoro iraho, ry Andrianañahare, toe ama’o ty fitsolohako. Ty hoe ty tinaroko am’Iehovà: Ihe ro Talèko, izaho tsy aman-kasoa naho tsy ama’o. O noro’e an-tane atoio: ie ro talango’e, toe mampinembanembañe ahiko. Hampitomboeñe ty hasotria’ze mihitrike mb’an-tsamposampo’e añe; tsy hailiko ty engan-dranon-dio’iareo, le tsy ho rambesen-tsoñiko o añara’iareoo. Iehovà ro anjara-lovako naho ty fitoviko. Tohañe’o ty navike ho ahiko. An-toetse fanjaka ty nipoha’o taly ho ahikoo; Eka, soa i lovakoy. Andriañeko t’Iehovà mpamere ahiko, ie haleñe, anare’ty troko. Najadoko aoloko nainai’e t’Iehovà. Ie ty an-tañako havana eo, tsy higavingaviñe. Aa le tsy mahay avao ty troko, vaho mirebeke ty havokarako; mierañerañe ka ty sandriko, amy te tsy hapo’o an-tsikeokeok’ao ty fiaiko, vaho tsy hado’o hahaoni-pihomahañe i Masi’oy. Ampaharofoana’o ahiko ty lalan-kaveloñe; lifotse hafaleañe ty añatrefa’o; haravoravoañe nainai’e ro am-pitàn-kavana’o.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Misoratra ao amin'ny gazety anay

Mahafantara hatrany ny mombamomba vaovao, ny hetsika ary ny fanavaozana ny sehatra.