Sabo 141

Sabo’i Davide Ry Iehovà, mikanjy azo iraho, mb’etoa an-taentaeñe; toloro ravembia ty feoko te koiheko. Ano rame añatrefa’o eo o halalikoo, hoe soron-kariva ty fizonjo’o sirakoo. Ampijadoño mpañambeñe ty vavako, ry Iehovà, ambeno ty lalambein-tsoñiko. Ko avi’o mb’an-karatiam-beo ty troko, hitoloñako sata-raty rekets’ondaty mitolon-katsivokarañeo; ko apo’o ho haneko ze raha mafiri’iareo. Ee te handraratehak’ahy an-kalèn-tro ty vañoñe, naho hañendak’ahy, toe solik’añambone izay, lonike te tsy hifoneñan-dohako; Fa tsy apoko ty halaliko ty amo sata rati’iareoo. Ie avokovoko añ’ilan-kereretsak’ao o mpizaka’iareoo, le ho tsanoñe’iareo te nañeva o volakoo. Hambañe ami’ty fitrabahañe naho fitrobohan-tane, ty fampivarakaihañe am-bavan – kibory ao o taola’aio. Fe mitolik’ama’o o masokoo, ry Iehovà, Talè; fa ama’o ty fipalirako— ko alonga’o ty fiaiko. Arovo iraho amy fandrike nampibitsoheñe ho ahikoy; naho amo fandri-bo’o mpanao ratio. Hivariñe an-karato’iareo avao o lo-tserekeo, te izaho miary eo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Misoratra ao amin'ny gazety anay

Mahafantara hatrany ny mombamomba vaovao, ny hetsika ary ny fanavaozana ny sehatra.