Sabo 48

Sabo 48

Jabahinake t’Iehovà, vaho rengeñe mb’añ’abo; an-drovan’Añaharen-tikañe, i vohi’e miavakey. Fanjàka an-toe’e eo, ty hafalea’ty tane toy, ty vohi’i Tsiône añ’ila’e avaratse ey, ty rova’i Mpanjaka hinakinakey. I Andrianañahare an-kijoli’ey, ty nampandrèndreke t’ie ro fipalirañe. Hehe, nifanontoñe o mpanjakao, nitrao-pionjoñe mb’etoañe, Nioni’iereo; le nilatsa; nangetraketrake, vaho nitriban-day. Namihiñe iareo ty fihondrahondra, ninivonivotse hoe ampela mitsongo. I tiok’atiñanañey ty ampivaletrahe’o o lakam-bein-Tarsiseo. Hambañe amy jinanjin-tikañey ty nionin-tika an-drova’Iehovà’i Màroy, an-drovan’Añaharentikañe ao; ee t’ie hajadon’Añahare tsy ho modo nainai’ey. Selà Nitsakorea’ay ty fiferenaiña’o ry Andrianañahare añivo’i anjomba’o miavakey. Manahake i tahina’oy ry Andrianañahare, ty fandrengeañe Azo, pak’añ’olo’ty tane toy; lifo-kavantañañe ty fità’o havana. Ampifaleo i vohitse Tsiôney, ampirebeho o anak’ampela’Iehodào ty amo fizakà’oo. Mañariaria amy Tsiône, ikariokarioho, volilio o fitilik-abo’eo, Hehe o kijoli’eo, rangao o fitalakesañ’abo’eo; hahatalilia’o i tariratse mandimbey. Izay t’i Andrianañahare, Andrianañaharen-tikañey, nainai’e donia. Ie ty hiaolo antikañe pak’an-kavilasy.

S'abonner à notre newsletter

Installer Église Locale