Sabo 98

Takasio sabo vao t’Iehovà fa nahafonitse raha fanjaka; nahazoa’e fandrebahañe i fità’e havanay naho i sira’e masiñey. Fa nampahafohine’Iehovà i fandrombaha’ey; naboa’e ampahaisaha’o kilakila ‘ndatio ty havantaña’e. Nitiahi’e ty fiferenaiña’e naho ty figahiña’e amy anjomba’Israeley, fonga nahaoniñe ty fandrombahan’Andrianañaharentika ze olon-tane. Mipoñafa am’Iehovà, ry tane toy iaby, Mirañorañoa an-drebeke, eka mandrengea an-tsabo. Sabò t’Iehovà arahen-jejo-bory, i jejo-boriy mañara-takasy; Reke-trompetra naho fivolañ’antsiva— mipozaha an-drebek’añatrefa’Iehovà Mpanjaka. Hitroñe ami’ty halifora’e i riakey, ty voatse toy vaho o mpimoneñe ama’eo. Hitehateha-taña o sorotombakeo, le hitrao-pisabo an-kaehake o vohitseo, añatrefa’Iehovà eo fa homb’eo re hizaka ty tane toy. ho zakae’e an-kavantañañe ty voatse toy, naho an-kahiti’e ondatio.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Subscribe to our newsletter

Stay updated with new profiles, events, and platform updates.