Sabo 28

Ihe, ry Iehovà ro kanjieko, ry Lamilamiko, ko mañovok’ahy, kera, hianjiñe, le hanahake o mizotso mb’an-tsikeokeok’aoo iraho. Janjiño ty feon-kalaliko naho itoreovako, ie añonjonako sirañe mb’amy anjomba’o miavakey. Ko kororohe’o hitraok’amo lo-tserekeo, amo mpanao raty mivolan-kanitsiñe an-drañe’eo, te mone fikinian-draty ty am-po’e ao. Ondroho mira amo sata’eo, naho hambañe ami’ty haratia’o fitoloña’eo; eka, avaho mira amo satan-taña’eo; valeo ama’e ty mañeva. Amy te tsy haoñe’iareo o tolon-draha’Iehovà o, ndra o fitoloñam-pità’eo. ho rotsahe’e iereo, le tsy hatroa’e ka. Andriañeñe t’Iehovà, fa jinanji’e ty feon-kalaliko! Iehovà ro haozarako naho fikalako, ty fiatoa’ty troko, toe fa nimbaen-draho, aa le irebeha’ty troko vaho rengèko an-tsabo. Haozara’iareo t’Iehovà, kijolim-pandrombahañe i noriza’ey. Rombaho ondati’oo, naho ampanintsiño o lova’oo; Araho iereo vaho otroño nainai’e.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Subskrybuj nasz newsletter

Bądź na bieżąco z nowymi profilami, wydarzeniami i nowościami platformy.