Sabo 75

Fa nañandriañe Azo zahay ry Andrianañahare! fa nañandriañe Azo, fa marine i tahina’oy, fa nitaroñeñe o fitoloña’o fanjakao. Ie amotoañako andro; le hizaka ami’ty fahiti’e iraho. Mitranake ty tane toy naho ze kila mimoneñe ao, Izaho ty nampijadoñe o faha’eo. Selà Hanoeko ty hoe amo mpirengevokeo: Ko mandroharoha! le amo lo-tserekeo: Ko mañonjon-tsifa. Ko zonjoeñe añ’abo o tsifa’areoo, vaho ko mivolañe an-kagàn-kàtoke. Fa tsy boak’atiñana ndra ahandrefa ndra am-patrambey añe ty fañonjonañe. I Andrianañahare ro mizaka; afotsa’e ty raike le aonjo’e ty raike. Am-pità’Iehovà ao ty fitovy pea divay mandroso, lifo-pilaroañe; le ampidoañe’e; toe ho drofote’ze fonga lo-tsereke an-tane atoy, vaho hagodra’iareo o karafo’eo. Fa naho izaho, ho talilieko nainai’e, ho rengeko an-tsabo t’i Andrianañahare’Iakobe. Fonga ho kitsiheko ty tsifa’o lo-tserekeo, fe honjoneñe ty tsifa’o vantañeo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Iscriviti alla nostra newsletter

Resta aggiornato su nuovi profili, eventi e novità della piattaforma.