Sabo 32

Haha ty nilioven-kakeo, ty nitakonan-tahiñe. Haha t’indaty tsy anisia’Iehovà tahiñe, ie po-­pamañahiañe an-tro’e ao. Ie nitsiñe iraho, le ninike o taolakoo ty amo fitoreovako lomoñandroo. Handro an-kaleñe te nivesara’ty fità’o, nalongañe hoe hafaòsan’asara ty ranom-piaiko. Selà Niantofako ama’o o hakeokoo, tsy naetako o tahikoo. hoe raho: Ho solohoeko am’Iehovà o fiolàkoo; le napo’o ty halò-tsere’o tahikoo. Selà Ie amy zao, songa hihalaly ama’o o vañoñeo ami’ty andro hahaoniñañ’Azo, le tsy hahatakatse aze ty fisorotombahan-drano bey. Ihe ro fipalirako; harova’o t’ie am-poheke; sabom-pañahàñe ty añohoña’o ahy. Selà Hanareko naho ampaharendreheko azo ty lala homba’o; hitoroako, fa ama’o o masokoo. Ko misare soavala ndra birìke tsy mahilala, ie tsy mahay tsy fehen-daboridy viñe ty vava’e, tsy mone tsy harinea’e. Lako fihontoke o lo-tserekeo; fe ohoñe’ty fiferenaiña’Iehovà ty miato ama’e. Mifalea am’Iehovà, mandià-taroba ry vantañeo, ipoñafo rebeke, ry vañoñ’arofo iabio.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Iscriviti alla nostra newsletter

Resta aggiornato su nuovi profili, eventi e novità della piattaforma.