Sabo 101

Ho saboeko ty fiferenaiñañe naho ty fizakàn-to, Ihe ry Iehovà ro isaboako Hambenako ty lalan-kavañonañe; ombia irehe te homb’amako? Handenako an-kazavàn-troke an-trañoko ao. Tsy ampipohako raha tsy manjofake aolo’o masokoo. hejeko ty sata’o mpiolao; tsy hipitek’amako zay. Hitotse ahy ty tro mirioñe; hamoeako ze atao raty. Ze mifosa ondatio, ie ty harotsako; hejeko ty maso miengeñe naho ty troke mikoìboke. Amo migahiñe an-tane atoio o masokoo, hiharoa’iareo fimoneñañe, hitoroñe ahy ty mañavelo an-kahiti’e. Tsy hitobok’an-trañoko ao ty mitolom-pamañahiañe; tsy ho tambatse aolo’o masokoo ty mpivolam-bande. Ho zamaneko boa-maraindray o lo-tserek’amy taneio; haitoako ami’ty rova’Iehovà o mpitolon-katsivokarañeo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Tilaa uutiskirjeemme

Pysy ajan tasalla uusista profiileista, tapahtumista ja alustan uutisista.