Sabo 84

Honh! hamotsontane ty kivoho’o ry Iehovà’i Màroy! Misalala ty foko, eka tsìpike ty sihisihy ty amo kiririsa’Iehovà o. Mirebek’aman’Añahare veloñe ty troko naho ty sandriko. Hehe, nahatrea traño ty jorioke, naho hàlañe ho aze i tintiñey, hañopake o ana’eo amo kitreli’oo ry Iehovà’i Màroy, Mpanjakako naho Andrianañahareko! Haha o mimoneñe añ’anjomba’o ao, mandrenge Azo nainai’eo. Selà Haha t’indaty naho ihe ro haozara’e, añ’arofo’iareo o lalam-pamantañañeo. Ie miranga am-bavatanem- pirovetañe ao, le ampanjarie’e tane manganahana, vaho saroña’i oran-jobay fañanintsiñe! Mañavelo an-kaozarañe orihen-kafatrarañe iareo, songa miatrek’an’Andrianañahare e Tsiône ao. Ry Iehovà Andrianañahare’i Màroy, janjiño ty halaliko; toloro ravembia, ry Andrianañahare’Iakobe. Selà Vazohò ry Andrianamboatse Mpikalan-defo’aiy, isaho ty lahara’i noriza’oy. Soa te ami’ty andro arivo, ty andro raik’an-kiririsa’o ao; hamake te mpañamben-dalam- bein’anjomban’Añahareko iraho, ta te himoneñe an-kiboho’o lo-tserekeo. Masoandro vaho fikalañe t’Iehovà Andrianañahare, Mpanolotse falalàñe naho engeñe t’Iehovà: tsy eo ty raha soa ho tana’e amo mañavelo an-kavantañañeo. O ry Iehovà’i Màroy, haha t’indaty miato ama’o.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Unseren Newsletter abonnieren

Bleiben Sie über neue Profile, Veranstaltungen und Plattform-Updates informiert.