Sabo 140

Ho a i Talè, Sabo’i Davide. Avotsoro am’ondaty lo-tserekeo iraho, ry Iehovà; arovo am’ondaty piaroteñeo; o mikilily añ’arofo’e ao naho mikitrok’aly lomoñandroo. Nisioñe’iereo ty famele’iareo hoe mereñe; an-tsoñi’iareo ty vorem-pandrefeala. Selà Arovo tsy ho am-pità’o lo-tserekeo iraho ry Iehovà; arovo amy ‘ndaty mitrotrofiakey, ty mikinia hampidorasitse o liakoo. Nañetake fandrike ho ahy o mpikavokavokeo; naho taly; naho namelara’iareo harato añ’olon-dalañeo vaho nampibitsoke fandri-boñe amako. Selà Hoe iraho am’Iehovà, Ihe ro Andrianañahareko. Janjiño, ry Iehovà, o feon-kalalikoo. Ry Iehovà Talè, faozaram-pandrombahañe ahiko, Mpanaroñe ty lohako añ-andron-kotakotake. Ko toiñe’o, ry Iehovà, ty fisalalà’o tsy vokatseo, ko osihe’o ty fikililia’iareo tsy mone hirohake. Selà Le ty loha’o miarikoboñ’ahikoo: ho rongoñeñe ty fikotrihan-tsoñi’iareo, naho hararadrarak’am’iereo ty foroha mirekake; vaho havokovoko añ’afo an-koboñe ao, tsy hitroatse ka. Tsy hitoera’ty mpikatramo ty tane toy; ho vandroñen-doza ondaty mpiloa-tiñakeo. Fantako te mpanozañe o misotrio t’Iehovà, naho ty zo’o rarakeo. Toe mañandriañe ty tahina’o o vantañeo, vaho himoneñe añatrefa’o eo o vañoñeo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Unseren Newsletter abonnieren

Bleiben Sie über neue Profile, Veranstaltungen und Plattform-Updates informiert.