Sabo 102

ie andeme’e vaho mandoa toreo aman’Añahare. Ry Iehovà, janjiño ty halaliko; le ampomb’ama’o ty toreoko. Ko aeta’o amako ty lahara’o añ’andron-kaloviloviañe. atokilaño amako ty ravembia’o; malisà hanoiñe ahy ami’ty andro ikanjiako. Mihelañe hoe hatoeñe o androkoo; miforehetse hoe an-toñak’ao o taolakoo. Pinaoke hoe ahetse ty troko vaho miheatse toe andikofako ty mitozin-kaneñe. Mipitek’an-taolako ao ty holiko ty ami’ty volam-piselekaiñako. Hoe tangongo am-patrañe añe iraho, hoe vorondolon-dratraratra. Mandre an-tsareke iraho; manahake ty tivoke miereñereñe an-tampènake ey. Mañinje ahy lomoñandro o rafelahikoo; mamàtsy ahiko o mpirengevok’amakoo, Fa nihaneko hoe ampemba ty lavenoke, vaho linaroko firovetse ty finomako, ty ami’ty haviñera’o naho ty fifombo’o, fa rinambe’o iraho le nahifi’o añe. Manahake ty fipononòran-talinjo o androkoo; vaho miheatse hoe boka iraho. Nainai’e eo irehe ry Iehovà, ty Tahina’o an-tarirats’an-tariratse. Hiongake irehe hitretre i Tsiône, fa tsatoke te hisohe’o, ie tondroke i nifantañañey. No’o mpitoro’oo o vato’eo; mbore kokoa’iereo o lembo’eo. Soa te hañeveña’o fifeheañeo ty tahina’Iehovà, naho ze hene mpanjaka’ty tane toy ty enge’o; fa nitratrañàhe’Iehovà ty Tsiône ie niboak’amy enge’ey. Nihaoñe’e ty halali’o poi’eo; vaho tsy niambohoa’e ty toreo’iareo Ho patereñe ho a ty tariratse mandimbe, soa te handrenge Ià ondaty mboe tsy nanoeñeo: Nivazohoe’e boak’an-toe’e masiñe ankaboañ’añe, nisary ty tane toy boak’an-dikerañe eñe t’Iehovà, hijanjiñe ty fiñeoñeom-pirohy, hañaha o nafatse havetrakeo soa te ho talilie’ondaty e Tsiône ao ty tahina’Iehovà, naho ty enge’e e Ierosalaime ao, ie mifanontoñe ondatio, naho o fifeheañeo hitoroñe Iehovà. Nado’e deme’e iraho añivon-dalañe eo; nitomore’e o androkoo. Hoe iraho, Ry Andrianañahareko, ehe, ko ampisintahe’o añivo’o androkoo iraho; mitakatse ze kila tariratse o tao’oo. Haehae irehe ro nañoreñe ty tane toy, satam-pità’o o likerañeo. Ho momoke iereo, fa nainai’e eo irehe; fonga hikoneatse hoe sikiñe hambo’e, ampilimbeze’o hoe sarimbo vaho ho vaoe’o iereo. Fe tsy mihotike irehe, tsy mbia higadoñe o tao’oo. Le lia’e ho eo o anam-pitoro’oo, le hijadoñe añatrefa’o eo o tiri’eo.

订阅我们的新闻通讯

安装 Église Locale