🇬🇧 English 🇫🇷 Français 🇪🇸 Español 🇩🇪 Deutsch 🇵🇹 Português ✓ 🇮🇹 Italiano 🇲🇬 Malagasy 🇸🇦 العربية 🇯🇵 日本語 🇰🇷 한국어 🇳🇱 Nederlands 🇷🇺 Русский 🇵🇱 Polski 🇸🇪 Svenska 🇳🇴 Norsk 🇫🇮 Suomi 🇨🇳 中文

Iekezkèle 15

Le niheo amako ty tsara’Iehovà nanao ty hoe: O ana’ondatio, Ino ty andikoara’i vahey ty hatae bey? Ino ty singa’e te amo hatae añ’alao? Hangalam-baramba hao handranjian-draha? Handrambesam-pantake hao hampiradoradoam-balàñe? Hehe te ahifik’añ’afo ao ho fandrehetse; tomontoe’ty afo añ’ila’e roe, vaho ho mae ty añivo’e ao. Mañeva fitoloñañe hao? Inao! ie tsy ho nañeva hampitoloñeñe te ni-ary, àntsake t’ie mae ro tsy maha-pi-draha kanao finorototo. Aa hoe ty nafè’Iehovà Talè: Hambañe ami’ty vahe amo hatae añ’ala ao, ie natoloko añ’afo ho fandrehetse, ty nanolorako amo mpimone’Ierosalaimeo. Hampiatrefeko am’iereo ty tareheko; ndra te miakatse ami’ty afo iereo mbe ho forototoe’i afoy avao; vaho ho fohi’areo te Izaho Iehovà, ie hatreatreko am’iereo ty tareheko. Hampangoakoaheko i taney ty amy nifotera’iareo ahy hoe t’Iehovà Talè.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Assinar nossa newsletter

Mantenha-se a par dos novos perfis, eventos e novidades da plataforma.