Jaona I 1

Tam-pifotorañey i Tsaran-kaveloñey, ie i jinanji’aiy, niisam-pihaino’aiy, nisambà’ay naho tsinapa-pità’aiy. (Fa naboake i haveloñey le niisa’ay, naho mita­lily, vaho itaroña’ay i haveloñe nainai’e aman-dRae ao vaho nabentatse ama’aiy.) Taroñe’ay ka o niisa’ay naho jinanji’aio, soa te hitrao-drehak’ama’ay nahareo. Toe miharo rehak’aman-dRae naho amy Ana’e Iesoà Norizañey zahay. Isokira’ay o raha zao, hañenefañe ty haeha’areo. Zao ty entañe nijinanjiñe’ay naho itaroña’ay, Toe Hazavàñe t’i Andrianañahare; ie tsy aman’ieñe, ndra loli’e. Naho mihàboke t’ie mitrao-drehak’ama’e fe mañavelo amy ieñey ao, le mandañitse, tsy mañavelo an-katò. F’ie mañavelo an-kazavàñe, amy te Ie ro an-kazavàñ’ao, le mitrao-drehake tika vaho liove’ty lio’Iesoà Ana’e amy ze fonga tahiñe. Aa naho mieva t’ie tsy aman-kakeo le mamañahy vatañe, vaho tsy aman-tika ty hatò. Ie miantoke hakeo, le migahiñe naho vantan-dre hañaha o tahin-tikañeo, hañaliova’e amy ze fonga hatsi­vokarañe. Ie manao te mb’e lia tsy nanao hakeo le mampandañitse aze vaho tsy aman-tika o tsara’eo.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Abonner på nyhetsbrevet vårt

Hold deg oppdatert på nye profiler, arrangementer og plattformnyheter.