Korinto I 5

Fa miboele te ama’areo ty fifampirañaotañe, toe hakarapiloañe tsy amo kilakila’ndatio: te eo ty miharo-lamba amy valin-drae’ey! Akore te iebotsebora’areo! tsy hamake ho nandala? soa te ho naitòañe i nanao zay. Aa naho izaho, ndra te tsy eo am-batañe, le miatreke an-troke vaho fa zinakako i nanao zay, manahake t’ie eo. Ie mivory amy tahina’Iesoà Talèntikañey, le ama’areo an-troke iraho, ami’ty haozara’Iesoà Talèntikañey, aa le aseseo amy mpañìnjey indatiy handrotsahañe i haondati’e hambo’ey, soa te ho rombaheñe ami’ty andro’i Talè Iesoà i arofo’ey. Tsy mete ty firoharohà’areo; tsy fohi’areo hao te mahatsitsike ty boko’e ty lalivay kede. Kohezo soa o lalivay hambo’eo soa t’ie ho boko’e vao, manahake t’ie tsy aman-dalivay, fa nisoroñañe ho antika i Norizañey, i Fihelan-tikañey Aa le antao hiambeñe i sabadidakey, tsy aman-dalivay hambo’e, tsy aman-dalivain-kalo-tserehañe naho haratiañe, fa ami’ty tsy aman-dalivai’i hatsò-troke naho hatòy. Nisokirako amy taratasikoy te tsy hitrao-drehake amo manao hakarapiloañeo, fe tsy t’ie ze fonga karapilo’an’tane atoy ndra ze mpihàñe naho mpikatramo ndra ze mpañori-pahasive, amy t’ie tsy mahay tsy ho niakatse an-tane atoy. Fe nisokirako te tsy hitraofa’areo ty miantoñoñe ho longo, te mone mpañarapilo ndra mpitsikirìke, ndra mpitorom-pahasive, ndra mpañinje, ndra mpijike, ndra mpikatramo. Ko itraofam-pikama. Inoñe ty izakako o alafe’eo? Tsy zakae’areo hao o ama’areoo? I Andrianañahare ty hizaka o alafe’eo, fe Aitò ama’areo i tsivokatsey.

Iscriviti alla nostra newsletter

Installa Église Locale