Bosanzola Yawe, mpo ete azali malamu; pamba te bolingo na Ye ewumelaka seko na seko!Bosanzola Nzambe ya banzambe; pamba te bolingo na Ye ewumelaka seko na seko!Bosanzola Nkolo na bankolo; pamba te bolingo na Ye ewumelaka seko na seko!Ye kaka nde asalaka bikamwa ya minene; pamba te bolingo na Ye ewumelaka seko na seko!Akelaki likolo na mayele na Ye; pamba te bolingo na Ye ewumelaka seko na seko!Atandaki mabele na likolo ya mayi; pamba te bolingo na Ye ewumelaka seko na seko!Akelaki biloko minene oyo ebimisaka pole; pamba te bolingo na Ye ewumelaka seko na seko!moyi mpo na kongengisa mokolo; pamba te bolingo na Ye ewumelaka seko na seko!sanza mpe minzoto mpo na kongengisa butu; pamba te bolingo na Ye ewumelaka seko na seko!Abomaki bana mibali ya liboso ya Ejipito; pamba te bolingo na Ye ewumelaka seko na seko!Abimisaki Isalaele wuta na Ejipito; pamba te bolingo na Ye ewumelaka seko na seko!na nguya monene ya loboko na Ye; pamba te bolingo na Ye ewumelaka seko na seko!Akabolaki ebale monene ya Barozo na biteni mibale; pamba te bolingo na Ye ewumelaka seko na seko!Alekisaki Isalaele na kati-kati ya ebale monene ya Barozo; pamba te bolingo na Ye ewumelaka seko na seko!Azindisaki Faraon elongo na mampinga na ye kati na ebale monene ya Barozo; pamba te bolingo na Ye ewumelaka seko na seko!Atambolisaki bato na Ye kati na esobe; pamba te bolingo na Ye ewumelaka seko na seko!Abetaki bakonzi minene; pamba te bolingo na Ye ewumelaka seko na seko!Abomaki bakonzi ya nguya; pamba te bolingo na Ye ewumelaka seko na seko!Sikoni, mokonzi ya bato ya Amori; pamba te bolingo na Ye ewumelaka seko na seko!mpe Ogi, mokonzi ya Bashani; pamba te bolingo na Ye ewumelaka seko na seko!Akabaki mabele na bango lokola libula; pamba te bolingo na Ye ewumelaka seko na seko!lokola libula epai ya Isalaele, mosali na Ye; pamba te bolingo na Ye ewumelaka seko na seko!Akanisaki biso tango basambwisaki biso; pamba te bolingo na Ye ewumelaka seko na seko!Akangolaki biso wuta na maboko ya banguna na biso; pamba te bolingo na Ye ewumelaka seko na seko!Apesaka bilei na bikelamu nyonso; pamba te bolingo na Ye ewumelaka seko na seko!Bosanzola Nzambe ya likolo; pamba te bolingo na Ye ewumelaka seko na seko!