Iobe 23

Hoe ty natoi’Iobe: Mafaitse ty toreoko henaneo, taña-miletraletra ty amy hatreontreoko. Ehe te napotako ty hahatreavako Aze, hiheovako mb’am-piambesa’e mb’eo. Halahako aolo’e eo ty amako, vaho hatsafeko veroke ty vavako. Ho azoko ty entañe havale’e ahy, vaho ho rendreko ty hitsara’e. Hatreatré’e ami’ty hara’elahin-kaozara’e hao? Aiy, f’ie ho haoñe’e. Mete hilahatse ama’e ty vañoñe, hamotsorañe ahy nainai’e amy Mpizakakoy. Hehe te mionjon-draho, f’ie tsy eo, midisa-voly, fa tsy isako, ie mitoloñ’an-kavia, tsy treako, ie mitolike mb’àn-kavana, tsy rendreko. Fe arofoana’e ty lala fombàko, ie fa nitsoeha’e le hiboake hoe volamena. Nahafitinoñe i lia’ey ty tomboko, nifaharako i lala’ey vaho tsy nitsile. Tsy nisitahako o nafèm-pivimbi’eo; nahajako o tsaram-palie’eo mandikoatse ty anjara rimako. F’ie tsy roe tsy telo, ia ty hampitolik’aze? anoe’e iaby ze satrin’arofo’e. Ie ro mañeneke o atolots’ahikoo: maro ty fanoe’e hoe Izay. Aa le hirevendreven-draho añ’atrefa’e eo; izaho mitsakore, le añeveñako. Ampianifan’Añahare ty troko, ampangebahebae’i El-Sadai, Toe tsy naitoañ’añatrefa’i ieñey iraho, naho nisaroña’e an-tareheko i fimoromoroñañey.

Baiboly Tandroy

Copyright © 2023 Steve Lellelid Language: Tandroy (Malagasy, Tandroy-Mahafaly) DRAFT VERSION This translation is made available to you under the terms of the Creative Commons Attribution Share-Alike license 4 — CC-BY-SA-4.0 — CC-BY-SA-4.0

Tilaa uutiskirjeemme

Pysy ajan tasalla uusista profiileista, tapahtumista ja alustan uutisista.