Filipy 3

Figadoña’e, ry longo: mirebeha amy Talè! Tsy mahatsimboetse ahiko te isokirako indraike, fa fañarovañe anahareo. Itaò o amboao, itaò o mpanao ratio, itaò o mpanao savatse tsieo. Fa itikañe o fisavarañeo, t’ie mitoloñe amy Arofon’Añahare naho mirenge am’Iesoà Norizañey, vaho tsy miato-nofotse— ie ho nanam-piatoako amy nofotsey. He eo ty mihevetse t’ie ro mpiato amy nofotsey, lombolombo’e iraho: sinavatse ami’ty andro faha-valo, foko’Israele, tarira’i Benjamina, Hebreo’o Hebreoo; Fariseo ty amy Hake; nampisoañe o Fivorio an-joton-troke; tsy aman-tahiñe ami’ty fañorihañe Hake. Le ndra inoñ’inoñe ty ho nitombo’e ho ahiko, nadoko ho sira-an-tane ty amy Norizañey. Tsy izay avao, fe ataoko ho fonga tsy vente’e te ampanahafeñe ami’ty hajabahina’ty faharendrehañe i Talèko Iesoà Norizañey, aa le hene nifarieko naho nanoeko forompotse, hahazoako i Norizañey hahatendreke te ama’e, tsy t’ie nivañone’ty fimanemaneañe Hake, fa ty figahiña’i Norizañey, ty toe havantañan’Añahare mioreñe am-patokisañe. Eka, te ho fohiko re naho ty faozara’i fivañom-belo’ey naho ty fitraofan-kina amy fijalea’ey, hihambañako amy havilasi’ey, hahatakarako ty fitroarañe an-kavilasy. Tsy t’ie nitàkako, toe tsy añon-draho, fe itoañako t’ie handrambe i nandrambesa’Iesoà Norizañey ahikoy. O ry longo, tsy t’ie rinambeko. Fe, Amoeako ze amboho ao naho ilozohako takatse o añeo eka imaneako talifitse ty tambem-pikanjiañ’abon’Añahare am’Iesoà Norizañey. Antao arè hiharo rehake, ze hene matoe aman-tikañe, fa naho hafa ty ereñeren-tro’areo, mbe hampalangesen’Añahare avao. Fe soa t’ie hañavelo mañeva o fa nitakàren-tikañeo. O ry longo, mitraofa ami’ty fañorihañ’ahy, naho rendreho o mpañavelo am-pitsikombeañe anay. Fe maro—ie beteke nitalilieko naho mbe taroñeko an-tañy henaneo—ty mañavelo hoe rafelahi’i hatae ajale’i Norizañeiy. Ie hijoroboñe an-karotsahañe ao, ty fisafoa’e ro ndrañahare’e naho ty hameñara’e ro fisengea’e. Mifahatse an-draha an-tane atoy o vetsevetse’iareoo. Boriza’ty andindìñe añe tika, añe ty itamañe mpandrombake, toe Iesoà Talè Norizañey, ie ty hañova o sandrin-tikañe mirèkeo, hampihambaña’e amy fañòva’e aman’engeñey amy haozara’e hampiambane ze he’e ama’ey.

الاشتراك في نشرتنا الإخبارية

تثبيت Église Locale