Matio 2

Ie toly e Betleheme e Iehodà ao t’i Iesoà, tañ’andro’i Heroda mpanjaka, le inge totsak’e Ierosaleme ty mpañandro maro boak’atiñanañe añe, nanao ty hoe: Aia i Mpanjaka’o Jiosio vaho samakey? Fa tinalake’ay atiñanañe eñe ty vasia’e, vaho pok’eo zahay an-dravoravom-piasiañe hitalaho ama’e. Ie jinanji’i Heroda mpanjaka le nitsiborehetoke reketse ze hene mpimone’Ierosaleme. Aa le hene natonto’e o androanavi’eo, vaho nañontanea’e he fohi’iareo ty hisamahañe i Norizañey. Hoe ty natoi’iareo: E Betleheme Iehodà ao, ty amy pinatetse amy mpitokiy ty hoe: Ihe Betleheme Iehodà, Efratà, tane’Iehodà, Inao toe pininite’e amo fifokoa’Iehodao irehe; fe hirik’ama’o te hionjom-bamako ty ho Mpifehe e Israele ao. Le kinanji’i Heroda i mpañandro rey naho natola’e vaho nitsikarahe’e am’iereo i andro niboaha’i vasiañey. Nahitri’e mb’e Betleheme mb’eo iereo ami’ty hoe: Akia, hotsohotsò i Ajaja-lahiy, ie rendre’areo, ampahafohino ahy, fa homb’ama’e mb’eo ka iraho hitalaho. Ie nahajanjiñe i mpanjakay le nienga; naho indroy i vasiañe niisa’iereo atiñanañe añey niaolo iareo ampara’te nipok’amy toetsey, nijohañe ambone’ty toe’i ajajay ey. Nifale iereo toe nirañorano an-kobay te nahaisake i vasiañey. Aa ie nizilike an-traño ao le nitendreke aze naho i Marie rene’e; naho nitongaleke aolo’e eo, niambane ama’e, nanokake o horo’iareoo naho nibanabana ravoravo ama’e: volamena naho mañi-dè vaho rame. Hinatahata’ty anjely ami’ty nofy iereo, nanoro t’ie tsy hibalike mb’amy Heroda mb’eo, aa le nimpoly mb’an-tane’iareo añe nañorike lalan-kafa. Ie añe, intoy, nisodeha amy Josefe ty Anjeli’Iehovà, nanao ty hoe: Mitroara, rambeso i Ajajalahiy naho i rene’e, mibioña mb’e Mitsraime añe vaho itaveaño ampara’te tohineko, amy te paiae’i Heroda havetrake i Ajajalahiy. Aa le nendese’e i Ajajay naho i rene’e, vaho nitambatse añe ampara’te niantantiritse t’i Heroda, hañenefañe ty nampisaontsieñe i mpitokiy ty hoe: Boake Mitsraime añe ty nitokavako ty Anako. Ie nifohi’i Heroda ty nanoa’i mpañandro rey, le tsy hay aia ty habose’e, toe niojeoje an-troke, vaho linili’e te hahitrike amo roandria’e iabio ty hanjamañe ze hene anak’ajajalahy e Betleheme naho amparipari’e ao ze nisamake ambane ty tao nisaontsie’i mpañandro reiy te nisamaheñe i ajalahiy. Niheneke amy zay ty nisaontsie’i Jeremia mpitoky: Jinanjiñe e Rama ao ty fiarañanañañe; fandalañe naho fangololoihañe mafaitse: Mirovetse o ana’eo t’i Rahelie, ntt Ie nihomake t’i Heroda, le nitoje amy Josefe e Mitsraime ao ama’nofy ty anjeli’Iehovà nanao ty hoe: Mitroara, rambeso i Ajajalahiy naho i rene’e, le akia mb’an-tane’Israele añe; fa mate o nipay hañoho-doza amy Ajajaio. Aa le niongake re, ninday i Ajajay naho i rene’e, nimpoly mb’an-tane Israele mb’eo. Jinanji’e te nandimbe i Heroda rae’e nifeleke e Iehodà ao t’i Horkanose, le nimarimarike tsy te homb’eo. Aa le nirisihe’i Anjeliy ami’ty nofy re ty hitsile mb’an-tane Gilgale añe. Ie nandoake ao le nimoneñe an-drova atao Nazareta, hañeneke i nisaontsie’o mpitokio te: Hatao nte-Naz’rete re.

Suscribirse a nuestro boletín

Instalar Église Locale